Saturday, February 19, 2005

脫貧不脫貧

頸患已見好轉,痛楚明顯減退,下週再覆診兩次,多謝各友好關心。

醫生話,好幾份友報行家也幫襯他,又話我們個個職業病也差不多,很清楚我的苦況云云,還囑咐我小心坐姿:最緊要背靠椅背,偏偏我們這些靠打稿搵食者,知易行難。

這幾日,我趁周五扶貧委員會開會,不分晝夜大寫「知識扶貧」,發掘城中名人脫貧經歷,由扶貧委員會出身草根的委員狄志遠張仁良,到自學自強的湯家驊楊貫一,連林順潮與應屆綜緩女狀元也不放過。我每日的特寫也有不同角度的,不過扶貧故仔都係票房毒藥。

寫足三日的我,終於脫(離)「脫貧」(故仔),可惜幫不到自己脫貧。




一周荀工:朗豪坊遙控飛魚

春節期間,朗豪坊的天幕大堂,來了幾條胖嘟嘟的金魚,毋須威吔在空中游戈。原來飛魚原理像玩遙控飛機,有專人(見圖)負責操控panel,飛魚隨其指揮舞動。嘩,奉旨去玩,正!

5 comments:

栗子 said...

呢條魚個樣,有0的似藝林聲言用0黎洗天幕0既魚魚機械人啊!

會唔會係同一公司出品?

栗子 said...

同埋我有機會去wiser 睇睇你大作先
呵呵

Anonymous said...

Florence :

有兩個貧者自助的計劃聽聞成效唔錯,雖然呢 d 故仔一定比採訪曾在布吉遇上海嘯既高生高太 ( 我等緊佢地出 "綜援置富術" 呢本書,應會好睇過 "大長今古方食療譜" 囉 ) 更毒藥,但佢地又好像做到 d 成績出黎啊 :

時分券 - 灣仔 st james settlement
天水圍媽媽 - 一班響天水圍住既新來港婦女自發既輔導組織

XexeX said...

我都見呀,仲差D俾條魚撞襯添

不過真係好得意呀,成個商場變左金魚缸咁

Florence Lai 黎凱欣 said...

我到朗豪坊沒有特別好感,除了那條遙控飛魚,幾有創意

港燦,多謝你的脫貧idea,會仔細參詳.

Related Posts Plugin for WordPress, Blogger...