Friday, October 27, 2006

起飛

06年9月攝於澳洲黃金海岸Surfers Paradise


周三晚上,銅鑼灣街頭,大廈外牆的電視大屏幕,播着着廉價航空甘泉首航失敗的新聞。細看片段,見到舊同事K和T,都是聰慧的女記者,在狹小機艙內奔波。

T起飛不成,獃在機艙5小時,忙着採訪,未試過坐下來超過30秒鐘。她要回老遠的柴灣公司寫稿,翌日又要大清早跑往機場,真替她和K辛苦。

周四中午,終於起飛了。還望兩人一切安好。

周五,主觀希望一飛衝天的,是首日掛牌的工商銀行股份。每7個香港人有一個申請認購,威過登記做選民,銀行的報價電腦前,肯定比平日更多人。連特首煲呔都出席上市儀式,港交所嚴陣以待,每間媒體只准派兩個文字記者,一個攝影記者到場採訪,似足長實和黃業績發佈會。

這幾天,網友就傳媒報道blogger問題討論熱烈,本想多插幾咀,抱歉因太累,要稍後才回覆留言,請見諒。

5 comments:

male said...

Hey, will you keep updating the 黃金海岸遊記?

BUBU said...

首航起唔到飛真係慘! 斷估都唔會係宣傳招數呱! 咁樣"坐飛機"六粒鐘真係唔激死都悶死... :P

Anonymous said...

以2手機作主打既廉價航空公司, 唔係好多人可以接受.

有經驗既朋友話, 試過起飛前機長廣播叫大家要坐得均勻d, 如果唔係架機會飛唔起架, 換轉係我, 即時嚇到減都有.

小弢 said...

Florence,
多謝你關心呀,我返左香港喇。第一日飛唔成,返公司打稿打到傻下傻下,第二日又晨早去機場,以為飛到好d,但係結果落機去酒店打好稿,再沖埋涼訓覺,已經係香港既第二日,雙眼紅筋好似中國地圖上的河流一樣多,只係唔同色。

Florence said...

male,我會再寫遊記的,請耐心等待

bubu,我只知到舊同事們為此次採訪,很辛苦哩

無名氏,你這趣聞真箇黑色幽默

弢,辛苦你了

Related Posts Plugin for WordPress, Blogger...