Tuesday, December 20, 2005

聖誕音樂水晶球

下午5時,曾蔭權君臨天下,落灣仔同銅鑼灣巡舖(當做賠償乎???),實行另類擾民;綜合編輯室各人意見,最佳賠償商戶的方法,應該叫18萬公務員帶頭落區消費,職級愈高,最低消費額愈大.

反正WTO後,還有一星期才到聖誕,商舖生意遲早番晒嚟,才不用煲呔落區,還是我們這些小市民,在三司十一局都要落區sell政改,高官騷泛濫,力迫各位就範下,急切需要救贖.

請享受右欄網上音樂水晶球的曼妙樂韻,尋求心靈安穩(因為是Flash,音樂會自動播放,想寧靜看blog的,煩請按音樂盒的Stop掣).關於安裝聖誕音樂水晶球,請參考風潮音樂網頁,及相關活動,如果是blogger用戶,將提供的script放在網頁範本適當地方便可.

WTO餘波,另文再談,因為我還在韓國經濟數據,自由貿易和公平貿易理論之間浮沉,掙扎上岸.

7 comments:

chanda said...

我好喜歡那個音樂水晶球呀,不過放在我的Blogger後,卻會令文章走位,全部文章跌在sidebar下,好奇怪呀!

Florence Lai 黎凱欣 said...

bubu, 我今日經過銅鑼灣和灣仔,同以往一樣,有番生意,勁過經濟反彈

Jim,thanks for your appreciation

male,我有排都未搞掂,well......

小弢,嗯,讓我研究一下......

Yauwan said...

政府話叫MTR在灣仔銅纙灣出閘減兩元;安排穿梭巴士;舉辦嘉年華會等幫助世貿受影響商戶,但根據這兩天的報道以上所有補償措施都好像是自己政府提出,無問過商會和代表。有心是好,但無問過他們的需要,無理解那些措施用得其所,物有所值,只會做成有心但無效用的。

其實香港人是理性的,一星期短暫的影響不會對該區有長遠的影響。

Anonymous said...

兩蚊雞,夠做咩呢?

同事扑咪問報販,答案係:唔通拎住兩蚊0黎買報紙咩?

妙極!

駱克道雲集裝修潔具舖.唔通多左兩蚊,夠錢買個幾萬蚊0既按摩浴缸?夠錢全屋裝修?兩蚊雞,好似一塊大陸磚都買唔到.

你話,有好過無.不如問,點解當初要辦mc6呢?

Anonymous said...

最低消費額呢度真係笑左......
議員一人買一千蚊禮物去慈善機構抽獎都唔錯^^

Merry Christmas!

Anonymous said...

貿易問題,千絲萬縷,理論歸理論,道理得一個:就係針冇兩頭利
作為香港一粒沙,妳應該比誰都明白物競天擇,適者生存的現實與無奈

Florence Lai 黎凱欣 said...

遊雲,那些慳兩蚊的campaign,簡直是敷衍,諗起都肉酸......同意你的觀點,其實一星期影響不到什麼

康爸爸,我真係擔心香港見今次搞得好,又再承包多一次,咁就真係多得佢唔少......唔知鬍鬚曾今次又會否升官發財呢?

jim,多謝你的建議

evan,祝你新年進步

benny,整個MC6,也是物競天擇,適者生存的遊戲,對,現實就是這樣

Related Posts Plugin for WordPress, Blogger...