Tuesday, May 30, 2006

大形象家:盛智文

今日精句:

媽:「雪櫃好多乳酪呀?」
外婆:「吓?落雨咩?」(乳酪=落雨???)

*******

信報方卓如在「盛勢」一文說,董建華最大的德政之一是,找到盛智文(Allan Zeman)做海洋公園主席。兩星期前訪問過盛智文,對於這樣一個熟悉商場和傳媒運作的大娛樂家/大形象家,我是佩服的。

從不期望在兩個小時訪談中,掌握眼前猶太商人的成功之道。更令人深刻的是,他的品味和個性。有誰會把辦公室包裝如豪宅Show room,有客廳有吧枱有浴室,潔淨得連一個文件夾也沒有?有誰會由頭到腳以至皮鞋,也親自設計,再度身訂造,卻不繡上自己的名字,懶得去炫耀?

盛智文扮水母瞓身宣傳,有跡可尋。他本身有很大的親和力,很容易感染和鼓動身邊的人,轉數又高,很有個人魅力,註定是成功人士。

訪問時,他不諱言水母館是他的構思,因為海洋公園急需有新動物,訂了的動物未到館,他靈機一觸想起從前在洛杉磯的酒店,以及一些日本餐廳,看見水族箱飼養的水母群,非常美麗,便建議將海洋公園搞萬聖節活動的場地,變身水母館,貪其夠快「上馬」。

我問他為何肯扮鬼扮馬。他說他喜歡,因為人生不能太嚴肅,否則很快老。哦,原來是娛人娛己──他自言沒有嗜好,又沒有收藏。我心想,扮嘢可能是他覺得過癮好玩的一件事。

海洋公園上一任主席是陳南祿。我想像不到陳南祿扮鬼扮馬的樣子。

看着盛智文在海洋公園扮鬼扮馬的資料相,我暗忖,這會否是華人與西人的管理哲學和文化的分別呢?盛智文做事很靈活,他領導的海洋公園,明顯要強調新鮮感,幾乎每月一個記者會,什麼大小活動也搞,連餐廳也不放過,誓要搞好食物和環境(盛智文最鍾意露台,他的辦公室有一個露台,所以會看中海洋公園吊車站其中一層有露台,最適合做高格調餐廳),樂此不彼。苦的,恐怕是不斷被鞭策的海洋公園員工。

面對記者,他會說一兩句抵死又貼身的話,讓你有共鳴,然後不經不覺遊花園,沒有答你具體數字(當然亦不會爆料),別期望得到任何具體銀碼的答案(這是個人經驗,再加多位曾訪問他的記者意見)。

整個訪問,我最喜歡他以下一句話:

「如果你視飛機頭等艙為目標,你會去到商務艙(的水平),如是者想要商務艙,便只得經濟客位。待你以經濟艙為目標時,你最後便會破產(bankrupt)收場。」

人望高處,有誰不想呢?訪問時他叮囑我,要寫出與別不同的報道,這樣人們才會留意我,追讀我寫的故事。嘿!我都想有這樣的號召力啊!

這次訪問,談的其實是創意,是包裝,從中帶出營商之道,保證題材新鮮。有興趣者請看今期U Magazine,札幌之旅做封面,手快有手慢無,因為周四便出版新一期了。(哎吔,又賣廣告添!!!)

17 comments:

康爸爸 said...

佢果句明串迪士尼:
......預左少兩成客......估唔到客量反而升左!!!!

抵佢咁沙陳0既!

兩星期前去過海洋公園,有些少衝動再去過.其實無好大新鮮感,但始終覺得,一事一物都真實過迪士尼,而且對一家人出街玩最實際,係消費始終平過迪士尼.

我覺得領匯應該搵佢law,屋村商場街市先至有得救!

PK_ said...

分享些少observations

- 暗忖,這會否是華人與西人的管理哲學和文化的分別呢? 好難就此一概而論, 可能係簡單如投唔投入既問題. 海洋公園主席個位從前d人可能只當一個諮詢委員會主席咁做, op只係一個永遠唔會破產執笠, 而只需要maintain住而唔係要成功既公共設施, 咁做, 直頭就無咩管理可言. allan呢, 明顯當公司主席咁做, 生意咁搞, 自然差好遠, 會aim high然後excute同deliver.

- allan換入果位CEO thomas 都好叻, theme park 專家.

- 有時d野就係咁得意, 搵個鬼佬做, 政府通常會願意比多d彈性同配合, iow信任一d, 本地人做, 要搞大, 又會睇緊d, 無咁放心架喎! (op既對口單位係坤哥下面eva檔野, 同唐唐, 佢地先係真正伯樂, eva已經紮職).

- 天時都好緊要, allan 上位, 02/03-03/04之際, 亦係政府意識面對disney要make sure op 唔可以pk所以要認真d整頓下op既一年 (03年竟然蝕錢! $-4.1m!). 換主席同CEO只係大換血既一部份, 換入既board member仲有例如eden woon! 

- once again, 有競爭就有進步

- 簡單比較02/03, 03/04 同 04/05 op 既年報就可見成績的確大扭轉, 由蝕變賺, 04 $95.7m, 05 $119.5m. (當中係米因為變賣家財先bump大個數, 小弟就唔得閒細check) actually, 直頭連d reports 個style, 語氣, 都一路變得upbeat左!

- 正如allan 係chairman's report當中都講過差不多既野, op係香港人既, 係香港人集體回憶既一部分, 三四十既一代直頭同佢一齊成長, 呢個positioning非disney能及! 再加上傳媒對op正面報導多, disney就剛開幕新機場睇你幾時pk做錯野即刻唱通街咁對待, 所以只要op做好些少, 真係事半功倍!

小藍 said...

取法乎上,得乎其中
取法乎中,得乎其下

中國的古老智慧早已告訴我們了。

Rossi千斤田 said...

依家至賣廣告,會唔會遲左 d 呀!

實情係,已經睇左喇... thanks

港燦 said...

懇請 etpress 稍後把 florence 的各期名人訪問輯錄結集出版, 點都好過睇 "與 CEO 對話".

pcheung said...

我都睇左依個訪問,好好睇呀!

Anonymous said...

佢0的名句來來去去都0個幾句,不過以ocean park 依家個勢0黎睇,得幾句都夠用..
上次我問佢,每次當迪士尼有負面新聞出,佢就走出0黎講海洋公園點好點好,呢個係咪策略之一呢。佢當堂呆0左。能夠令呢個人語塞,我覺得好榮幸。
有冇留意佢個office有本迪士尼發跡史? 條友仔好識做,走埋去揭兩0野俾我0地影,之後同我講︰「我唔睇書0架喎。朋友送之嘛。」0甘樣!!!
最後一樣0野,聽聞肥佬黎做製衣0個陣同佢交過手,然後蝕0左錢...
-CUIYAO

Anonymous said...

人望高處,有誰不想呢?訪問時他叮囑我,要寫出與別不同的報道,這樣人們才會留意我,追讀我寫的故事..

>>佢都有0甘同我講........-_-' 佢應該係將同樣0既0野對不同記者講0左一萬次。
-cuiyao

male said...

JEWISH AH!!!!!!!!!!!!!!!!!!!!!!

BUBU said...

Bu: 我早排響杜拜見到夏雨!
Florece: 乜話?! 杜拜都下雨?! 喚賣吉!!


:P

Anonymous said...

見微知著, 看來盛先生是頗滑頭的啊.

Anonymous said...

印像中, 盛智文喺迪士尼開幕前並唔係表現得咁胸有成竹的, 相反有一種打到泥至算既感覺, 作為熒幕前既觀眾, 我都曾為op既前景擔心過. 水母館取得空前成功, 他的承認就肯定是"不諱言"的.

Anonymous said...

看到你個post, 先知錯失看這個精彩的訪問。請問你公司有冇得補購舊雜誌呢?

- Riz

星屑醫生 said...

Hello, 我還未感謝你的訪問呢. (也學你給自己賣賣廣告.)

真實裡相見, 感覺很特別, 與你用文字交往年多卻是第一次面話. 太太問我, 是否如筆友見面的感覺? 我想想也許有點像呢.

有空再聚.

Mrs Chan said...

Florence,

Thank God Cathy sent me a copy of U magazine last week, otherwise I would have missed the interview about Allan! Good Job! CEO has many types, successful CEOs become talk of the town naturally, not successful CEOs boasted what they did when they were CEOs......

simon tang said...

Allan Zeman 有關 aim high 的機位類比,我認為給予受眾的情緒意義大於在應用上的實際意義。 舉例:按照我對自己的認識,入讀 LSE 的機會大於入讀 Cambridge,因此我的目標鎖定 LSE;接任地鐵主席我自應衡量資源和限制而把公司發展到能達到的最好狀況,而不是悖乎現實地擴展,這是作為主席所當履行的義務...。 Zeman 那番說話類似在九十年代充斥書店那些追求卓越的「罐頭」書的說話,見空泛而做到的是(在特定的 context 中)牽動我們的情緒。 我認為關鍵並非在乎目標和理想是訂的如何的高,而是有關正確、準確的問題。

Florence said...

康爸爸, 如果盛智文搞領匯, 唔知會唔會將樂富商場變做九龍蘭桂坊......^_^

pk, 我入行時認識eva至今,佢都幾厲害, 算升得頗快......至於海洋公園,陳南祿時代開始籌備重建, 輪到盛智文最叻搞gimmick,總算事半功倍

小藍, 原來外國人用中國智慧, 更加有用

rossi 千斤田和pcheung, 謝謝捧場

港燦,你過獎了, 我會面紅的。出書?我都想哩!

小瑤, 係呀, 佢同每個記者都講個套, 一定要寫好的報道嘛! 就係因為佢同個個都講, 我便把它寫作我的後記,順手講埋佢

佢本迪士尼是道具來的, 揭都未揭過, 卻故意放在當眼處, 真係計過度過呢

盛智文係猶太人, 做生意一定好叻, 我估做佢下屬都幾辛苦, 至於你窒到佢, 都幾好玩噃!

male, 係囉, 猶太人喎, 點敢睇少呢

bubu ,抄我版權, 舉一反三, :p

無名氏們, 盛智文肯定夠圓滑, 我都懷疑佢接手海洋公園時, 其實沒有太大信心, 但係佢識搞gimmick 再加上迪士尼唔爭氣, 於是英雄造時勢, 時勢又造英雄了

riz, 抱歉好像暫未有補購服務,不過如果你有興趣, 可以email我交流一下, florence519@gmail.com

陳太, 謝謝留言,多些來部落格探我啊 !

Simon, 盛智文很懂說這類罐頭箴言,偏偏最eye catching的又是這類罐頭......

Related Posts Plugin for WordPress, Blogger...