沒有漢堡飽的麥當勞

曾經懷疑，我是否餓昏了，才會在麥當勞，有這樣一段荒謬對話：

「唔該一個至尊漢堡飽。」

「好呀……對唔住，無晒至尊漢堡喎」，店員答。

「咁呀，足三両吧，一樣價錢啫。」放學後一小時，接近晚上11點，我真係好餓，不介意吃多點肉，附近又只有麥當勞一家食肆。

「嗯……都無喎。無晒飽喇，除非你唔介意，用魚柳飽那一種飽面啦。」

「無所謂，照買吧。」我開始不耐煩。

點知不夠3秒鐘，服務員又再道歉：「唔好意思，都係賣晒喇。」

「點解呀？」

「因為我地已經無晒肉喇……」

！！！！！！

******************************************************************************

無晒肉，即係無漢堡飽賣啦。一眾店員急得團團轉。「借緊過黎喇」，隱約聽到經理大嚷。

而我，腦袋一片空白，想不到冇肉賣的麥當勞，還可以吃甚麼。薯條？太肥膩。沙律？我不肯定這一家有沒有。魚柳飽？我愛吃，不過要「走醬」，再者那一刻的我有點不忿。健康版麥當勞，好像尚未登陸香港罷。

「肉望」太多，選擇太少；除了肉，幾乎無嘢食，無肉的麥當勞竟然乏善足陳。所以，我決定跟麥當勞Say Goodbye－－其實早該如此，吃這麼多肉幹麼，本來就應該少吃麥當勞啦。

少肉多菜，少油多喝水，健康要緊啊。