Wednesday, August 02, 2006

煲呔曾游水??

今日最有趣味性的新聞:

香港電台: 黃華華計劃邀請曾蔭權到珠江暢泳
2006-08-02 HKT 17:31

廣東省長黃華華表示,珠江水質近年持續改善,他最近就曾經到珠江游泳,他又 說:如果珠江的水質進一步改善到任何時間,任何河段都適合遊泳,他將會邀請行政長官曾蔭權到珠江暢泳 。
不過,曾蔭權就指珠江水流急,加上自己泳術不精,笑稱擔心會遇溺,他反過來邀請黃華華到香港的淺水灣游水,對方一口答應。


係噃!煲呔的親民Show,剩番未落水暢泳。珠江的對口單位,可會是城門河?究竟煲呔識唔識游水呢?

6 comments:

Anonymous said...

爆笑! 為何大小領導都喜愛邀請外賓到乜江物江暢泳?
好黑心, 想看看黃華華幾時來香港, 看會否有記者重提曾邀請黃到淺水灣游水一事, 好想看看曾流哂汗個樣.

Anonymous said...

感覺是, 黃華華問得大膽, 曾特首答得驚青, 兩地市民再一次公然被騙. hu

Anonymous said...

煲呔的答案實在太驚青。

Anonymous said...

煲呔當時的答案難道可以是"

好呀...我會戴條靚靚煲呔襯比賽用的貼身剪裁泳褲同你一齊游

倘若你游水時若遇溺...

我幫你做人工呼吸...

當然有服務...就要收錢的啦...

有錢收..就自然要交GST

不過萬一你真係俾錢我...

咁我咪真係變左做 Donald Duck?

咁下屆Oscar 咪有我地兩個份?"

其實大家都係吹水...

他怎答其實沒乜所謂啦....

若他們真的游...

咁就要見/拍他們肉帛相見....

咁我情願看....

diana said...

離境前翻看內地報章,都是點到即止,只寫到黃華華的熱情邀請,沒有寫當奴「怕浸死」。
(是他自已把口說的。)

平心而論,他的意思應該是怕浸親。但如果怕浸親,又為何提出「you jump, i jump」?是想將骯髒的珠江、與咱們的遊客區淺水灣雙提並論嗎? 

Florence Lai 黎凱欣 said...

即興回應最能顯示政客真功夫,似乎這次煲呔的幽默感差了一點點....

bubu, 我諗黃華華都係講吓, 點知煲呔咁認真喎

male,今次無劇本,煲呔唔識做落去呀

pc,究竟政要去到訪地區游水,係咪要顯示一下猛龍過江之姿呢?天曉得!

hu, 呢個「騙案」,又真係幾得啖笑

天佑, 無劇本嘛, 煲呔咪唔識答囉

整餅怪人, 唔知點解, 我真係好好奇煲呔游水個樣......

diana, 可能煲呔當時唔知點答好,才求其講淺水灣, 是了, 你的採訪有什麼趣事嗎?

Related Posts Plugin for WordPress, Blogger...