某周刊封面標題說, 傳明憲:我老公唔見咗
同事好奇：「我地(記者)都搵到佢老公噃，係咪佢老公避開佢呀？」傅明憲丈夫葉劍波，是近日8億資金失蹤而「爆煲」的海域集團主席
這幾天，中環賓架個個竊竊私語：做主席點會唔知8億元去左邊？梗係佢XXX啦，呵呵
******
政府建議設立副局長和局長助理職務，每年開支約5000萬元，其中副局長薪酬約為局長的65%-75%，即月薪約19萬元至22萬元，局長助理則為35%-50%，即月薪由10萬至14萬元。
嘩，這批筍位，益晒「親疏有別」的政黨啦。仲考AO？AO去示威就差不多。
11 comments:
http://www.cab.gov.hk/tc/issues/pa.htm
玩親疏突止? 直頭玩利誘, 玩實際.
議員薪津去D2都去唔倒, 加埋副局長助理局長, 無論呢d係在任議員定"社會精英", 議員地位只會再低幾丈, 特別係民主派/非我族類, 而且咁做仲進一步削弱民主派/非我族類想吸納精英新血既能力. 民主派/非我族類想後繼有人, 得番"理念"兩個字! 個信息係, 跟民主派, 聽做窮議員, 捨任就囉綜緩; 無線尋晚既星期二檔案同林公公真係配合得宜!!! 做保皇/親中, 就係威係勢, 分分鐘食個肥位月入無二十萬都十萬, 有車有馬, 你都米話!
政治應該講理念, 但要以政治作為個人既career, 入息同前途始終係另一個好現實好現實既考慮!
呢批肥位 (d4-6), 將來都似係比副常秘/首席助理秘果批隊既AO(先辭職再上任), 同親中保皇唔當選果d人攤分!
大機構D字頭職位不能單講薪酬，還要計福利。這批副局長及局長助理只有薪酬無福利，與同級政務官相較賺少好多好多。
何況，今時今日普通AO都隨時去到D3或D4，點會希罕呢類位吖！多咗班人幫手揹黑鍋，佢地高興來不及，怎會去示威？
助你焗腸?
噢，原來把津貼折現了。
不過，對政務官來說吸引力始終不大。
希望聽朝新聞,聽到呢一段:
....廉署採用代號"笨實"行動,拘捕行政長官當奴曾,指佢涉嫌挪用庫房六千萬,為親疏有別政黨開設多個副局長及局長助理職位.....換取明年小圈子選舉入場券.廉署同時帶走政制事務局局長林d8,協助調查......由於案情嚴重,兩人須以一千萬保釋,並交出旅遊證件......
"我老公唔見咗"
係周刊自己加, 還是佢自己親口講的?
原來消費稅係咁用！
Long time no see.
我都想唔見左, 至少可以拎左一筆先(我無講邊個呀....唔好對號入座呀),好過日日響度捱騾仔.....
唉, 我都想攝位去親疏有別, 至少可以名乎其實撈番一官半職(又或者撈番十萬八萬亦得), "為社會服務"......反正是非黑白已全非
心情唔好,講野串左d, sorry :-P
male, 我們的血汗錢, 就是這樣白白花掉了......
pk和通寶 ,我不知道有沒有AO願意坐這堆肥位, 但係這堆明益自己友/政黨的僭建空缺,好似派糖, 好核突
康爸爸, 很喜歡你這一段「新聞報道」
bubu, 焗掌助理還是助你焗腸都好, 成日關在個廚房, 似乎好熱哩
整餅怪人, 據聞是當事人自己說的
eric, 係囉, GST就是要養助理焗腸的, 真離譜。你好嗎?
維記亞華田, 心情好了一點沒有?Please take good care
講下八卦野...其實我覺得傅女士都幾受困擾, 明明係周刊亂寫一通, 仲要寫到似慘情長篇小說咁, 又話佢窮奢極侈、卒之有今日云云, 總之踩到傅女士一文不值, 小市民就愈睇愈心涼. 平心而論, 傅小姐搵到佢自己o既生活寄托(雖然我覺得同隻寵物打齋誇張左d), 丈夫又可以俾到安穩生活佢, 好過The One既前度女友城中美人, 尋尋覓覓、永遠係一班權貴中坑之間流轉, 虛度青春. 呢個世界就係憎人富貴厭人窮架啦.
Post a Comment