遺憾地，我是球類白痴，看世界盃為了跟大伙兒湊熱鬧。看罷阿根廷對德國，自覺傻瓜如麥兜，得出問題如下：
1)點解球員這麼喜歡吐口水？
2)Budweiser真聰明，知道中港台三地球迷上億，球場的廣告版特意寫上中文:「Bud 百威」，在芸芸英文廣告牌中份外突出。嘿，這就是全球化中的漢語化？
3)點解阿根廷不讓美斯出賽? 阿根廷輸十二碼，好可惜啊！
4)點解觀眾席看不見馬勒當拿？他沒錢買八強門票？
5)點解德國球員個個都咁高大？
6)射失十二碼的阿根廷球員，會不會回國被暗算？令人擔心
7)點解我有咁多點解？
關於陸恭蕙的貼文，料不到她買卵借肚的事，引發爭論火花。等一等，我會回應的。
又到七一。因為工作關係，我從未參加過七一遊行。今年，為了程翔，我會踏出第一步。這個理念，蓋過成為陳太政治籌碼的擔憂。各位，我們會相遇嗎？
7 comments:
1. 因為唔可以吞落肚。
2. 英超都有中文廣告。
3. 因為龍門受傷所用了換人名額，以及領先下想換個防守中場守到完場。
4. 聽講被人請了去講波。
5. 人種問題。
6. 唔會。
7. 正常。
1.劇烈運動時抽乾水份,口入面淨番較乾0既口水,但生理上又唔應該狂飲水,所以吐出黎.
2.放眼中國市場嘛.十幾億人,一人買一支都唔得掂.
3.龍門受傷之外,領隊排陣都有問題.射十二碼時,美詩,艾美亞竟然做旁觀者.一早換走列基美更加係致命傷.
4.德國人好憎馬勒當拿!講波佬話,係當地電視台特登唔影佢.
5.點解中國人咁矮?
6.唔知,94年哥倫比亞有個球員擺烏龍,返到祖家比人搶殺.懷疑佢賭波集團所為.
7.你有問題la.....得閒就洗個面清醒下.
我昨晚看直播時也有一樣想法，吐口水呀、拉手拉腳呀，我的媽媽也問馬勒當拿去了哪兒。
百威的 marketing 真有計！
其它太技術性的我就不懂問喇。
Budweiser這個英文字對中國人來講可能太深了, 不容易推廣.
在世界杯看到漢字, 固然可喜, 我更期待未來在這些重要場合能夠看到中國的品牌, 不要都是南韓的Hyundai和日本的Fuji.
7.1沒行, 不過, 作為一個傍觀者, 或者漁人, 我的期望就是參加的人數不能太少, 但也不希望太多, 總之就是要各方都感受到壓力. hu
1)唔係口水,是痰+汗的混合物,我踢波時每15分鐘平均都吐1次.
2)當年愛華頓波衫印上「科建」....小意思啦,俾錢姐....
3)阿根廷以為一球可淨勝,寧願換告魯斯出來,我估比格文無想過俾美斯踢呢場的,當然呢次世界盃再無機會,下次啦,好快姐, 四年.
其實輸12碼無話值唔值, 我個人阿根廷致敗關鍵是換走中場大腦列基美 (相信球迷會同意我講法)
4)馬勒當拿????入去場俾人打咩.....又或者鏡頭無影住佢, 其實是救左佢....
5)唔係呀,拿姆,芬寧斯同普度斯基都唔係好高姐....:-P
6)唔會, 麥斯洛迪古斯同維迪斯應該會被富豪球會看中就真.....
7)我都有好多點解的,你記住答番我呀.
今日七一, 我在灣仔加入行龍頭位置....你見我唔到, 你見我唔到.....
關於馬勒當拿，據報導佢因為其中一個隨行人員被國際足協拒諸門外﹝之前行為有問題喎﹞，所以成組人都唔入場啦！
通寶, b3108, 康爸爸, bubu, sheta, hu, 亞華田, 謝謝你們認真看待我的愚蠢問題, 我又識多一點點了
Post a Comment