Friday, February 24, 2006

孤寒財爺「唐」語錄

「人生有兩樣東西必然發生,就是死亡和交稅,」大掌櫃唐唐語出驚人,媲美前度掌櫃松松的名言:有咁耐風流,有咁耐折墮。

嗯,孤寒(財爺)未算可怕,涼薄才可怕。

「咁,如果一世人都唔駛交稅,係咪唔駛死?」父親大人舉一反三。但我又不是住灣仔那些百萬富翁(Citibank最新調查說,灣仔每五人有一個百萬富翁),更加不是全港那27.4萬個平均擁有400萬流動現金的有錢佬,才沒有聰明才智再加財力去答這個問題。

財爺,這問題應該怎樣答?

22 comments:

Anonymous said...

I think he was just quoting because I seemed to have heard this somewhere before. Well I am not sure. Let me check.

-NST

lamkiuwai said...

唔好講笑,我第一份工作真係未交過稅!唐唐呢一句真係幾刻薄。

栗子 said...

係啊
出自meet joe black
財主佬就係0甘對死神 brad pitt0甘講
戲裡面呢句係一個輕鬆笑話

Anonymous said...

係Benjamin Franklin....
"Our new Constitution is now established, and has an appearance that promises permanency; but in this world nothing can be said to be certain, except death and taxes."

Anonymous said...

其實呢,全世界的人都知道,越是有錢的人,越懂得避稅跟逃稅,所以,對於有錢人而言,人生一定會發生的兩件事,就是"避稅"跟死亡。

唐先生的這一番話,會不會流傳千古我不知道,我只知道,他那些話呢,只適用於我們這種乖乖繳稅的市井小民,而不適用於股票大戶。

Anonymous said...

From Gaubinfor,

"Our Goods and Service Tax will certainly be imposed, and has an appearance that promises permanency; so in our city the only thing which can be said to be certain, is that we'll be dead when we have to pay everything with Goods and Service Tax."

goethe said...

樓上位ivan,你係斷浪﹖

我好耐之前睇既quote係衣句﹕

Certainty? In this world nothing is certain but death and taxes

又,衣句野,李敖、陶傑 (同埋好似 林行止先生) 其實都講過。

Anonymous said...

佢竟然問得出,油麻地係唔係0係深水(土步)隔離,你都知道佢幾咁不吃人間煙火啦.

不過,話時話,早幾日預算案故仔,好多中階case,住大屋,屋企有部幾萬蚊大plasma,交標準稅,仲係度話好窮唔夠錢洗,反問政府有無野幫到佢,睇到想掟爛部電視.

Sheta said...

真正需要幫助的,不懂不願亦沒有渠道發聲,所以聽到的就是中產的聲音,那些很嚇人的言論。

tungpo said...

所謂「真正需要幫助的」,有不少人不少團體不少組織定期為他們發聲,見怪不怪,故無須傳媒刻意報導而已。

在看到別人得到的享受到的之餘,有否理解過人家背後所付出多少?

Anonymous said...

1)百萬富翁調查只是那間銀行想推出投資產品前的手法-鬼唔知香港好多人有錢咩!!
2)呢個財爺一向冇料到,連用比喻都不倫不類!!

chanda said...

我都想講,我有排都未駛交薪俸稅,所以減稅對我無幫助,反而差餉就要交多d。
我好認同康爸爸所講,好多中產為中顯示自己與基層的分別,於是追求享受,但自己其實又未必真正負擔得起,結果兩頭唔到岸。

Anonymous said...

窮,不等於從未付出.有錢,不等於付出過全部.

自問收入不算微薄,但糧尾總會有乾塘的時候.我也希望荷包多一點,偶爾躲在茅廁埋怨六合彩頭獎從沒有自己一份.

但從沒想過,叫政府"收順"一點.我寧願叫自己努力工作,或者可慳則慳.我的手機用了三年,仍然健在.自己從未買用過mp3.家裡傳統型panasonic電視用了六年,色彩依然艷麗.

叫政府派糖,倒不如監察政府,叫各高官善用公帑,不要億億聲花在不應花的地方上,把錢用在最有需要的人身上.但以唐英年的功力,和特區政府的管治水平,尚有一段距離.

農曆年前的鴨寮街,警方搗破售賣過期幾年罐頭的小攤檔.newsroom內嘩然,但有人冷靜地問:為何這些攤檔有生意?哪些人要買這些超廉價的過期貨?

Anonymous said...

很認同康爸爸,財政預算公布翌日,幾乎張張報紙都話財爺孤寒,但我卻感慶幸政府沒有亂派錢。

大家想一想,當年曾特首初當財政司長,派錢派到幾敗家,係咁使,搞到政府開支逾GDP兩成多,嚇親全世界,經濟學者早已預警,佢老人家一於少理,之後你我就慘了,為了那個財赤,真係死幾多人。

香港人要變一變,不要再做伸手派,最重要是監察錢是否洗得其所,當然那些住大屋的仍要政府幫的中產,更應自省,以後遇到呢D個案,做記者的不妨反問下佢,有無諗過其他人。

其實今天回想,唐唐最抵鬧的,是沒有幫到老弱,口口聲聲話扶貧助弱是財政預算主調,但實質措施微沒,話就話億億聲,但這裏二千萬,那裏二千萬,點搞?

XexeX said...

財爺思維果然異於常人。
唔通佢飲大o左?

Unknown said...

贊成康爸爸的話。

其實越好的政府就應越無為。要派錢,要搞甚麼發展基金之類的東東,又要成立條 team 去 setup,又要宣傳,又要處理申請,又要審批,全也要 extra 行政費用。到頭來也是納稅人的錢。

Anonymous said...

BUBU, 這樣做對鼓勵消費以至刺激經濟似乎幫助不大喎....

Anonymous said...

反對放強積金,只益了那班fund佬,收我們很高很高的行政、管理、xxxx大埋雜費。

Anonymous said...

BUBU,

呵呵...放在強積金戶口, 我都唔知幾時/有無機會享用到!!! :p 而且你知啦, 香港人重視cash多於一齊...cash is king... 無錢過手, 佢地點會肯駛多d錢? :p

Anonymous said...

BUBU,

咁梗係好d, 起碼人人多月薪5%既錢駛...:p

其實講番轉頭, 香港近兩年經濟復甦, 似乎並非主要來自內需的帶動. 要有內需帶動經濟增長, 即係要政府駛錢, 商家投資, 個人消費...現在政府仍然節流, 息口又開始上升, 那麼是否需要諗諗, 點樣刺激d人消費? 減少少稅, 似乎作用不大...你估淨係靠自由行, 可以玩幾多年?

Anonymous said...

自由行?十幾億人民,終有一天,連最窮的農民也來過香港的時候,我懷疑要叫天父製造多一個祖國,讓自由行繼續維持生命.....

快一點,當上海真的要開迪士尼,香港迪士尼可能又破紀綠,第一個落閘走人的迪士尼....

不要忘記,今年的預算案,來來去去,都是發展金融和旅遊,不敢也不想沾手新領域.開發甚麼xx港,yy港不一定是錯,只要具體一點去做,或者不要像南區那個大空地黑箱作業,未嘗不是新希望.

Anonymous said...

最新唐廢年涼薄言論: 為甚麼你們不學一學李嘉成?
為甚麼你唐唐不做奧巴馬? 唐唐你不是民選的官,唐唐你是非法的, 唐唐你發表低水準說話, 唐唐你是垃圾。

Related Posts Plugin for WordPress, Blogger...