我的雜誌處女作面世了。請看今期U Magazine，杜汶澤作封面那一冊。
第一篇是人物訪問，介紹合和集團接班人胡文新Thomas，亦即胡應湘的寶貝仔，他的冰上曲棍球嗜好。
這篇稿有異於其他同類訪問。過往的報道很少提及胡文新在冰球場上的位置，原來他打後衛，貫徹他的低調作風。我的文章由冰球後衛精神切入，介紹與袁彩雲緋聞以外的胡文新，由從商到打波也低調過人，親力親為。
他與小賭王何猷龍同隊。小賭王全程有保鏢侍侯，他這鑽石王老五來往冰場，事事一腳踼。
這個故事啟發了我，對深水埗的新啟示，容後再談。
第二篇與各大Blog迷息息相關：全港首個直擊本地虛擬社群動態的雜誌報道專欄，正式誕生。
U Magazine由今期起，增設Virtual HK專欄。今期題為Let’s Blog：06至潮流行現象，用輕鬆手法介紹網誌ABC。歡迎各位Blog友提供寶貴意見。
*********
因為求變，因為想磨練文筆，毅然當個雜誌新鮮人，到現在還在適應中，改不掉報紙記者的貓頭鷹作息時間。
還有雜誌文章要求的性格和揮灑自如。刊登的胡文新文章，是我的第二稿，因為第一稿太過「報紙化」了。我還在努力學習。
其實，我沒有轉工，只不過調組，由報紙調往雜誌，畢竟兩者也隸屬經濟日報集團，由同一個老闆出糧。
我工作的一組，專責雜誌的City Section。City是今期新增的，有Snaphot，Feature(專題)，Virtual HK及People(人物)，反映新一代生活態度。
也請各位閱讀我們今期，講述地鐡禮貌運動的專題，以及Snapshot「大難臨鳥」啊！
請多多指教！
************
我的雜誌報道
U Magazine (U Life別冊，杜汶澤封面)
People—380億合和接班人 胡文新 愛上冰上曲棍球(16-21頁)
Virtual HK –Let’s Blog 06至潮流行現象 (14-15頁)
14 comments:
真期待能夠讀到,會有網上版給予訂閱嗎?
小奧,
很抱歉啊,現在還未有網上版呢!
是了, 小奧, 有什麼方法可以聯絡你? 煩請電郵聯絡, florence519@gmail.com, thx!
一定捧場﹗
Florence : U mag 編採仝人每次開會時，有無問自己
我想睇有關飲食既資訊，睇 "飲食男女" 咪得囉，使乜睇 u mag ?
想睇有關旅遊既，睇 "新假期" 咪得囉，使乜睇 u mag ?
想睇有關 blog 文化既，睇完 "豬欄"、keso、sidekick 個 blog 重唔夠，使乜睇 u mag ?
想睇其他消費既，milk、jet、便利、東 touch、各報副刊、周末信報曹超人 ... 已有太多選擇了，使乜睇 u mag ?
想睇 "文化研究" 成份多點的影評、時評、乜評物評，有 "茶杯"、"號外"，使乜睇 u mag ?
想睇電腦資訊，梗係睇 "經濟" 另一份刊物 e-zone 先，使乜睇 u mag ?
睇人物專訪，近年做到每期都會有期待既，得 "公民黨報" 而已。唔睇開 florence 個 blog 既街坊，點知 u mag 裡面一樣有每期會令人期待的人物專訪 ?
U Mag 既定位究竟係點 - 更大眾化的 "茶杯" ? 唔清楚。這是我看過上期後的感覺。
唔係想潑 u mag 冷水。正因睇開 "經濟"，又買過 "經濟" 既股票重有點賺，才著緊。雖然 "經濟" 本身已有副刊版，搞多本 "生活雜誌" 的 set up costs 會比好多行家估計小，我係有點擔心呢本新刊物兩頭唔到岸。記憶中 "經濟" 以前辦過一份類似的刊物，但不成功。
另，唔睇開 "經濟" 或妳個 blog 既街坊和同事，冇人聽過 u mag。
等我放工後買番本捧下場先....
你會不會舉行網上簽名會, 即係凡購買今期雜誌, 即送Florence親筆網上簽名一個,多買多簽,真係仲易過去黃大仙求簽架, 只限首5000名,簽完即止.
儲夠十本簽名印花, 即送kinder's出奇蛋一大大隻,一次過滿足閣下的三個願望.
加油呢...
港燦,買了U MAG便可以不用再買以上一列的雜誌了。
我想暫時來說定位並不最重要。但希望有充裕的時間和資金來建立風格。
一本雜誌的風格最重要。
另外,會電郵Florence
昨晚朋友在家宴請數人, 我認識了一位新朋友, 她跟我提了U mag, 又, 早幾天收到你同事的電郵, 我覆了但他未覆我~(冇禮貌 :p)
基於上亦兩個原因, 我昨晚買了雜誌, 但未看~ 再跟你聯~
祝工作愉快~ :)
講句公道說話。
我買雜誌通常都唔會睇晒的，亦唔係由頭揭到尾，而係直接看追睇的部份，之後本書的歷史任務就完成（當然，佢仲要畀我阿媽蹂躪）
我看咗U Mag大約個多月，會看講電影、drama、音樂（講Oasis那期幾正）同書的內容。暫時來說，它們都值八蚊。
不過，我同時覺得講電影同書的料有點跌「W」。
星期日仍要開工,中午開飯,特登問同事借了一本看.一碗河粉的時間,已經揭完了.
別誤會,我看雜誌和報紙,不論是吃飯或是剪髮時,向來都是極速的.
論質素,u mag理論上不俗,然而事實上市場上同類的雜誌,或者說,是同類而檔次相同的,實在太多太多太多太多了.何況,定位不太清淅,向來都是雜誌的死穴.
七仔,報攤,每星期排山倒海的雜誌,消閒式,指定讀書群的,有墨水式,偷拍式(我知你們不會),咸書式,多得要找也找不到,比起七仔雪櫃內的飲品,還要多.
在2006年辦雜誌,已是一個燒銀紙,鬥耐力的遊戲.
同志仍需努力
祝你們好運.
1988年胡文新曾是我日文學生。那時他還是中學生。此人天資驚人，必有可為。（知日屋主留言）
港燦, 謝謝你的意見,U Magazine還在開荒中, 正在摸索編採路向, 意見多多益善.
不過,U Magazine應該不是大眾化的《茶杯》, 因為U 以旅遊和life style為主, 茶杯則強調知性品味
male, 如果無廣告, 我就真係要轉工了......
整餅怪人,我不時為稿題頭痛呢,最好送支神仙棒給我吧, ^_^
sidekick, 也許我的同事一時忙碌而忘記回覆, 是了, 你看完雜誌有何意見?
Thomas, 這幾期你還有沒有買呢?希望你見到我們的進步啦!
康爸爸, 你說得對, 這個年代搞雜誌, 真的不容易, 太多競爭對手, 但相比搞報紙, 回本期應該會快點吧
吳教授,我都覺得胡文新頗勤力. 想不到原來他是你的高足呢(我不知道,原來他在少年時期已學習日文)
你的BLOG真的很精彩耶.
棒
Post a Comment