女人的世界盃

 

就是知道世界盃殺到埋身，一眾不諳波經的少女中女熟女愁上更愁，本月初放大假前，我努力克服「波盲」陰影，打造從女性角度出發的「World Cup女人備戰手冊」專題，趕及世界盃開鑼前一周(上一期U Magazine雜誌)推出。

 

想說的是，世界盃月，才不是寡婦月！女波迷又好波盲又好，做回自己，一樣可以開開心心！男人，請參考下文的「世界盃男人十誡」，免得贏了場波，輸了女伴。

 

第一章：潮女愛足球。

 

波牛們，其實很多女生喜看足球的，至少80後型女，一定睇波多過我，一於跟型女代表周秀娜與商台DJ麻利亞，來個世界盃常識問答小測驗。結果順利過關，雖然，撇除答錯及在場職員提示，周秀娜剛好合格。

 

我知我知，廣大波迷看見上圖的周秀娜，再遇上晚晚直播的世界盃，看這波看那波才好？於是，周秀娜體貼地穿上密實波衫(球衣)，叫波迷的視線，由女神胸口的事業線，移到南非足球場中線。專心睇波吧！

 

第二章：主持教睇波

有線世界盃節目女主持潘杰寧(Kelena)，李家昕及謝蕙妍(Wendy)，宅男球迷一定熟悉。她們從女性角度分享觀賽心得，輕鬆熱鬧。

 

第三章：不做世界盃怨婦

尋常女生如你我，就算沒興趣觀賽，還有很多事情可做：Shopping，扮靚做Facial，去旅行，也夠享受這個世界盃假期。去不成南非，聽聽南非駐港領事Primrose Zwedala，細訴南非足球景況也不錯。

 

看得太多甚麼世界盃女人十誡，忍不住來個世界盃男人十誡反擊。集合網上討論區與被訪者的意見，來個集體創作。男人啊，睇波之餘，別忘身邊的女伴好了。(節錄自U Magazine)

 

世界盃男人十誡

 

1.唔好以為個個女人都唔識睇波，鬧女人唔識甚麼叫越位或補時。可能女朋友睇波仲叻過你。

2.唔好鄙視女人鍾意睇靚仔球星。這與男人鍾意睇靚女與o靚模，沒有分別。

3.如果女友不是球迷，世界盃期間同女友的話題，請盡量避開足球，佢無義務要識得睇波。戰術分析，留番俾自己班波友friend算啦。

4.同上，如果女友不懂足球，問你好多足球問題，請你唔好覺得佢蠢同煩，佢都係想了解你多些吧了。

5.記得留番時間陪女朋友。32隊，無理由支支都係你愛隊卦？

6.幾想睇波都好，也要記住抽少少時間，同女友講電話，仲要唔好俾佢覺得你趕住收線。如果你採用「機械式」回答，只會換來更多通話時間。

7.識得叫女友唔好響開波時打嚟，也應該識得唔好響女友睡覺時，先至打電話俾佢。

8.如果睇完波太夜，唔打電話，都要記住SMS給女友報到，男人都要識做嘛。

9.如果女友想跟你出去睇波，唔好撇甩佢，叫佢自己留响屋企。佢都係想多些時間陪你啫。

10.博彩的女人，遠少過博彩的男人。如果用現金支持世界盃，記住贏左的話，要將成果與女友分享，最好當然折現啦。

第四章：記得錫自己

男士出場。Adidas 香港總經理蕭家樂，道出男女世盃購物大不同。星級化粧師Gary Chung，教一眾女生惡補殘樣。浸大體育學系副教授雷雄德更指出，曾於上屆世盃做研究，如果看足每場球賽，且每場喝兩杯啤酒，吃一包大薯片，分分鐘增肥14磅。都係老套講句，少食防增磅。

第五章：世界盃速成秘笈

 

感謝鄰座同事Joel，替我惡補球星知識，煉成追星雞精。去到法國旅行，也認得出Nike放在巴黎香榭麗舍大道分店櫥窗的列貝利雕像。

 

同場加映，同事張勁駒在今期專訪有「白比利」之稱的球王薛高。嫌下圖太細「吊癮」，請多多支持U Magazine，購買今期雜誌細讀。

 

 

報道版權：U Magazine