Friday, January 12, 2007

咪玩啦

B咪玩啦。想寫blog時,login完就話要maintenance,令我隔了幾天才能順利update,真係......

咪玩啦。甚麼列出近500幢古物,分做1、2、3個評級,咪又係可以照拆。幹麼不拿出整套包括房屋局、市建局等與規劃地政有關的協調機制,處理古物評級和業權爭拗?這個政府的左右手,經常不協調,東宮西廠各有各做,可能要做做物理治療。

咪玩啦。人民幣貴過港幣,北上消費的港燦,會否從此南下?我只知道人民幣定期的利率,不見得升了很多,那麼自由行在香港用人民幣買東西,豈非更便宜?嘩,再度刺激自由行消費?香港的店舖又會否跟從人民幣貴過港幣的兌換率?



咪玩啦,阿媽。買這麼多青蘋果,很酸的。
「邊個得閒同你玩?這是蜜棗來的。大鄉里。」

9 comments:

male said...

Nice camera!!!

小奧 said...

蜜棗?????? Kiddddding??? huh??

haha.. "咪玩啦"

BUBU said...

今次"網難"真係慘! 個個都要龜速上網!
唉! 好悶~~~~~~~~~~~~~~~~~~~~~~~~-_-!

政府不嬲都係頭痛醫頭, 腳痛醫腳架啦! 你地 D 人鍾意跳牛仔舞, 佢就同你跳慢四! 真係吹脹!

大美國係咁手指指, 話大陸應該將人民幣升值去減少貿易逆差! 所以人民幣升值係遲早嘅事! 另外, 我覺得香港長此落去, 靠哂自由行都係唔得! 香港一定要走高檔路線, 鬥平鬥賤幾時輪到香港!

原來係蜜棗! 等我仲以為係青蘋果!
唔駛怕! 有仲我呢個大鄉里! =)

星屑醫生 said...

hi, florence,

看了這期的virtual HK, 我想問, 模擬器算不算翻版?

茂思.茂斯 said...

喂!篇野好抵死呀!!!

Anonymous said...

哈哈!funny~

D.

Florence said...

Male, 係呀, 這部新DC幾好用

小奧, 真的, 這是新鮮蜜棗,它的真新比青蘋果細, 瘦一點

bubu,我成日覺得香港唔知高檔到幾時, well,

星屑醫生, 抱歉你可否覆述一次問題?我有點不明白哩

茂斯和CD,我希望以後寫的東西可以好笑一點啦

星屑醫生 said...

唉也, 你要我畫公仔畫出腸...

U-MAG virtual hk 其中一個link 介紹網上超任和其他各款模擬器呀. 這些你知是怎用的? 從網站download programme, install 了, 再download 遊戲, 就可以在電腦裡玩超任的, xbox 的, 甚至Playstation的遊戲了. 這不是翻版嗎!!!

我怕你不知, 墮陷阱了...

Florence said...

星屑醫生,

唉吔吔,多謝你講清楚, 我沒留意網站的運作, 嘩,以後要小心一啲了

Related Posts Plugin for WordPress, Blogger...