Saturday, July 01, 2006

十萬個為什麼

遺憾地,我是球類白痴,看世界盃為了跟大伙兒湊熱鬧。看罷阿根廷對德國,自覺傻瓜如麥兜,得出問題如下:

1)點解球員這麼喜歡吐口水?
2)Budweiser真聰明,知道中港台三地球迷上億,球場的廣告版特意寫上中文:「Bud 百威」,在芸芸英文廣告牌中份外突出。嘿,這就是全球化中的漢語化?
3)點解阿根廷不讓美斯出賽? 阿根廷輸十二碼,好可惜啊!
4)點解觀眾席看不見馬勒當拿?他沒錢買八強門票?
5)點解德國球員個個都咁高大?
6)射失十二碼的阿根廷球員,會不會回國被暗算?令人擔心
7)點解我有咁多點解?

關於陸恭蕙的貼文,料不到她買卵借肚的事,引發爭論火花。等一等,我會回應的。

又到七一。因為工作關係,我從未參加過七一遊行。今年,為了程翔,我會踏出第一步。這個理念,蓋過成為陳太政治籌碼的擔憂。各位,我們會相遇嗎?

7 comments:

tungpo said...

1. 因為唔可以吞落肚。
2. 英超都有中文廣告。
3. 因為龍門受傷所用了換人名額,以及領先下想換個防守中場守到完場。
4. 聽講被人請了去講波。
5. 人種問題。
6. 唔會。
7. 正常。

Anonymous said...

1.劇烈運動時抽乾水份,口入面淨番較乾0既口水,但生理上又唔應該狂飲水,所以吐出黎.

2.放眼中國市場嘛.十幾億人,一人買一支都唔得掂.

3.龍門受傷之外,領隊排陣都有問題.射十二碼時,美詩,艾美亞竟然做旁觀者.一早換走列基美更加係致命傷.

4.德國人好憎馬勒當拿!講波佬話,係當地電視台特登唔影佢.

5.點解中國人咁矮?

6.唔知,94年哥倫比亞有個球員擺烏龍,返到祖家比人搶殺.懷疑佢賭波集團所為.

7.你有問題la.....得閒就洗個面清醒下.

Sheta said...

我昨晚看直播時也有一樣想法,吐口水呀、拉手拉腳呀,我的媽媽也問馬勒當拿去了哪兒。

百威的 marketing 真有計!

其它太技術性的我就不懂問喇。

Anonymous said...

Budweiser這個英文字對中國人來講可能太深了, 不容易推廣.

在世界杯看到漢字, 固然可喜, 我更期待未來在這些重要場合能夠看到中國的品牌, 不要都是南韓的Hyundai和日本的Fuji.

7.1沒行, 不過, 作為一個傍觀者, 或者漁人, 我的期望就是參加的人數不能太少, 但也不希望太多, 總之就是要各方都感受到壓力. hu

Anonymous said...

1)唔係口水,是痰+汗的混合物,我踢波時每15分鐘平均都吐1次.
2)當年愛華頓波衫印上「科建」....小意思啦,俾錢姐....
3)阿根廷以為一球可淨勝,寧願換告魯斯出來,我估比格文無想過俾美斯踢呢場的,當然呢次世界盃再無機會,下次啦,好快姐, 四年.

其實輸12碼無話值唔值, 我個人阿根廷致敗關鍵是換走中場大腦列基美 (相信球迷會同意我講法)

4)馬勒當拿????入去場俾人打咩.....又或者鏡頭無影住佢, 其實是救左佢....
5)唔係呀,拿姆,芬寧斯同普度斯基都唔係好高姐....:-P
6)唔會, 麥斯洛迪古斯同維迪斯應該會被富豪球會看中就真.....
7)我都有好多點解的,你記住答番我呀.

今日七一, 我在灣仔加入行龍頭位置....你見我唔到, 你見我唔到.....

tungpo said...

關於馬勒當拿,據報導佢因為其中一個隨行人員被國際足協拒諸門外﹝之前行為有問題喎﹞,所以成組人都唔入場啦!

Florence Lai 黎凱欣 said...

通寶, b3108, 康爸爸, bubu, sheta, hu, 亞華田, 謝謝你們認真看待我的愚蠢問題, 我又識多一點點了

Related Posts Plugin for WordPress, Blogger...