烚菜全走

飢餓的時候，你最想吃甚麼？

我，想食粟米。真係食塞米。

將身體做白老鼠做實驗，才發現，自己的飲食怪僻，能人所不能。

今天開始來個五天排毒全菜宴，深綠蔬菜如菜心如芥蘭如沙律火箭菜，正合我意。

「你會點煮啲菜？炒都得架，唔點蠔油就得。」

「我唔食炒菜喎，我淨食烚菜咋，亦都唔會點蠔油。」我答。

「咁你都可以落豉油吊味既。」

「我一向都唔點豉油的，煲湯菜都係咁話，除非煲魚湯啦。」我想，對方一定以為我係怪物。

繼白切雞走薑蓉後，近年味覺之淡寡，再上一層樓，不知由何時開始，愛上白烚蔬菜，調味料全走。不嫌味寡與蔬菜的草氣，只覺味道渾然天成，又或者其實我味蕾失靈。

看來我做不成飲食記者，日日無食神。抵我這隻食肉獸，做幾天素食者好好反省。

五天全菜宴有甚麼成果？完成後告訴你。