Friday, January 07, 2005

女人無平等

特首辦主任林煥光突然辭職,我們也不好過──為了他那個
接近凌晨才公布的聲明,大家倒瀉籮蟹。我有幸參與寫三數
百字,不幸因而趕不及搭地鐵尾班車。

三十幾歲女大狀情傾已婚高官,外遊東京偷情,被狗仔隊撞
正。大婆睇完呈堂相片,一句「其實我好同情個女人,佢以
為自己有機會,但去到要有名份就唔會成功」,仲話個老公
係百合花,自己係花瓶,出面好多花瓶見到百合花靚,都想
同百合花插在一起。

嘩嘩嘩,仲唔係大婆反擊戰?林煥光話因為傳媒披露他私人
感情的報道而辭職,似乎真相係同阿董唔妥,乘勢劈炮就真。

未及仔細分析事件,只覺有點唏噓,無論大婆還是情婦,追
逐的婚姻名份,主動權仍然在男人。所有的八卦報道,焦點
一定是女人如何爭風呻醋,女人一定係金枝慾孽般互放暗箭
,為的,又是男人。

如果將故事的男女身份倒轉,變做大男人爭女,大概焦點一
定會嘲諷女人如何誘惑如何有手段,去迷惑咁多男人,夠晒
妖魔化。男人,又再置身事外。

真係不公平。

No comments:

Related Posts Plugin for WordPress, Blogger...